И ја запалил куќата на поранешната сопруга, работилницата и Аудито, бидејќи таа го фатила со љубовницата
Семејната куќа во Лукавац неодамна беше уништена во пожар, причинувајќи голема материјална штета.
Пожарот го изгаснаа локални пожарникари, но настанот ја вознемири јавноста, особено откако сопственичката на куќата јавно сподели шокантни детали за причините за инцидентот, пишува Црна-Хроника.
Во пожарот уништени се семејната куќа, работилница, автомобил „ауди q5“ и мотор. Пожарот проголта се што изградиле сопружниците Хиркиќ во 31-та година од бракот.
фото пекселс илустрација
Поранешната сопруга Најла тврди дека пожарот не бил несреќен случај, туку дека, според неа, намерно го предизвикал нејзиниот поранешен сопруг Сабахудин Хрклиќ во Лукавац, попознат како Вета.
Според нејзината изјава, тој ја запалил куќата како одмазднички чин поврзан со семејни проблеми и расправија за поделба на имотот. Избезумениот Сабахудин донел канистер бензин и го полил целиот имот – пишува Црна-Хроника.
Сопственичката во својата објава на социјалните мрежи изјавила дека веќе била жртва на физичко насилство од поранешниот сопруг.
фото пекселс илустрација
Таа особено го истакна настанот од 5 август 2024 година кога, како што тврди, ја претепал откако таа го затекнала во врска со друга жена, Сабира. Сабахудин потоа беше уапсен и помина речиси три месеци во затвор.
Откако бил ослободен, заканите, според нејзините тврдења, продолжиле, а кулминирале со пожарот кој ја уништил куќата во која живеела со децата. Таа, исто така, рече дека заканите ескалирале непосредно пред судското рочиште за поделбата на имотот, што се одржа на 13 јануари.
Поранешниот сопруг Сабахудин, како што тврди сопственичката, бил приведен по пожарот, но по 24 часа бил пуштен на слобода, што предизвикало дополнителна загриженост за нејзината безбедност и безбедноста на нејзините деца. Најла и Сабахудин имаат три деца.
фото пекселс илустрација
„Останува прашањето – што е следно? Јас или моите деца?“ заклучи сопственичката во нејзината емотивна објава.
Полицијата и надлежните органи се уште не соопштуваат официјални информации за случајот. Јавноста очекува понатамошни чекори од судството во врска со овие сериозни обвинувања и да обезбеди заштита на семејството.
