Даниел почина, а неговата сопруга доби неверојатен подарок од колегите: „Кога дознав, останав без зборови“
Една жена која неодамна станала вдовица им се заблагодарила на колегите кои без нејзино барање и донирале 700 часа од годишниот одмор.
Овој извонреден гест на солидарност и помогна да закрепне и да биде со своите деца, кои тешко ја поднесуваа загубата на нивниот татко.
Фото: Кармен Лаковацо / Социјални мрежи
Кармен (40) и Даниел (47) Лаковацо од Форли, Италија, беа во брак 17 години, а од нивната љубов се родени два сина Филипо (14) и Федерико (8). “Никогаш не криев ништо од моите деца во врска со болеста. Тие беа со нивниот татко секој ден. Кога Даниел се разболе, Федерико имаше само пет години, премногу млад за да има спомени за неговиот татко кога беше здрав. Даниел почина два дена пред неговиот последен роденден“, вели Кармен.
Во писмото кое завршило во јавноста, таа изразува благодарност до колегите, шефовите и компанијата во која работела речиси 20 години. Таа почна да се бори за животот на нејзиниот сопруг во 2021 година, кога тој откри тешка болест. За време на неговата борба, таа ги користела сите расположливи денови за одмор и боледување за да му помага. Кога почина на само 47 години, Кармен беше принудена веднаш да се врати на работа, без можност да земе дополнителни одмори.
Нејзините колеги го дадоа својот одмор за да се одмори и да закрепне
За среќа, колегите од работа решиле да и помогнат без да ја прашаат. На предлог на нејзиниот шеф и го донирале својот годишен одмор од 700 часа. „Кога дознав, останав без зборови“, рекла жената. Овој одличен гест и овозможи физички да се опорави и да биде со децата, кои беа длабоко погодени од трагедијата.
Покрај тоа, колегите на нејзиниот сопруг започнаа кампања за собирање донации за Кармен и децата. „Многумина се приклучија и ова сега ќе ми овозможи да останам дома неколку месеци за да си ги вратам силите, но најважно е да се посветам на моите деца кои поминаа низ голема тага. Сакам да им се заблагодарам на сите“, рече таа.
На крајот се осврнала на својот починат сопруг, односно на времето поминато заедно. „Да се биде со него во тие години беше убава работа.
