Времето денеска наутро ќе биде ведро и студено, по одделни котлини со услови за појава на магла. Преку ден, времето ќе биде претежно сончево со слаб ветер од променлив правец. Минималната температура ќе биде во интервал од минус 11 до минус 3, а максималната ќе достигне од 7 до 14 степени, информираат од Управата за хидрометеоролошки работи.
Во Скопје најавено е студено утро, во делови од котлината со услови за појава на магла. Преку ден, времето се очекува да биде сончево и тивко. Минималната температура предвидено е да се спушти до минус 6, а максималната да достигне до 10 степени.
Во следните денови се предвидува да биде стабилно и претежно тивко со ниски утрински температури, а дневните да бидат во пораст. По одделни котлини да има појава на магла и пониска дневна температура. Во петок кон крајот на денот, се очекуваат повремени врнежи од дожд.
Иако станува збор за долгорочни прогнози кои не се секогаш прецизни и често се менуваат, како што се движат воздушните маси, сепак, добри се за кроење планови, особено за оние кои планираат патувања, скијање и слични активности кои зависат од снегот.
Во Скопје, според прогнозите на метеоролошкиот сервир AccuWeather, првиот снег можеме да го очекуваме во последната недела од ноември или првата недела од декември. Нема да го има многу но можно е да се формира мала снежна покривка.
Тоа ќе биде и единствениот „снежен бран“ со оглед на тоа дека до крајот на годината, не очекува релативно суво и не многу студено време, а за новогодишните празници, метеоролозите најавуваат сончеви денови со температури до 7 степени.
