Жена (43) која боледува од РАК искрена: „Ова е ФАТАЛНАТА ГРЕШКА која ја направив во раните 20-ти години, немојте и вие!“
Жена на која и е дијагностициран рак на кожата во четврт стадиум ги повикува девојките да не ја прават истата грешка што ја направила во нејзините дваесетти.
На Клер Тарнер (43) од Оксфордшир, Англија во јануари и беше дијагностициран малигнен меланом, а ракот на кожата веќе се проширил на црниот дроб, бутовите, лимфните јазли и рамената, пишува NY Post.
Фатална грешка
„Користев солариум и често се изложував на сонце за да се имам убав тен“, призна Тарнер во интервју за Кенеди њуз.
Сега нејзината цел е да ги освести луѓето за опасностите од солариумите и УВ зрачењето.
„Оштетувањето од сонцето ми го предизвика ракот и можеше да се избегне“, рече таа.
„Се работи за заштита и нега на кожата пред да се појават проблеми. Лажниот тен не е траен, ниту природниот тен, но кој е побезбеден“, додаде таа.
Тарнер вели дека побарала лекарска помош откако доживеала болка во десното рамо минатиот декември. Докторите првично мислеле дека се работи за повреден лигамент, но Клер се загрижила кога неколку недели подоцна забележала благ оток на рамото. Откако направила магнетна резонанца, била испратена на одделението за сарком и го поминала Божиќ чекајќи дијагноза.
„Беше страшно, само ужасно. Се подготвував за најлошото“, се сеќава таа.
„Паднав во зајачката дупка на Google. Тоа е најлошото нешто што можете да го направите кога се соочувате со сериозна дијагноза. Се чувствував целосно изгубена“.
„Бев шокирана. Како нешто да ме удри одзади. Заминав знаејќи дека тоа е четвртата фаза на болеста“.
Клер Тарнер беше подложена на три циклуси на имунотерапија за да го намали туморот, но мораше да го прекине лекувањето во август поради компликации кои предизвикаа воспаление на хипофизата и оптичкиот нерв.
Во август, скенерот покажа дополнително ширење на ракот во белите дробови.
„Се каам што не побарав помош порано“, признала таа.
„Да знаев, немаше да можам да дишам сега, но тоа ќе беше напад на паника и анксиозност, а не рак.
Иако третманите го забавија ширењето на болеста, па дури и предизвикаа исчезнување на некои тумори, Тарнер сега е благодарна за секој претстоен ден. И покрај тешката ситуација, таа успева да ужива на сонцето, но е многу внимателна.
„Сè уште сакам да седам на сонце, но ја избирам сенката“, рече таа, советувајќи ги другите да се заштитат.
„Носам капа и ги покривам рамената. Важно е да се биде информиран за овие работи“, заклучи таа.
