Исчезната е жена во околината на населено место Јурумлери.
Според членови на семејството кои се во потрага на нивната мајка, жената последен пат е видена на автобуската станица во Јурумлери, на себе имала зелен дуксер со црни шари, бели фармерки и црни чизми на нозете.
-Никогаш не се случило вакво нешто, сите сме затекнати и бараме помош во наоѓањето на мајка ни. Таа е семејна жена, вработена во Тинекс месара, излегла од дома околу пет часот наутро додека сестра ми и татко ми се уште спиеле.
Не знаеме што се случило, ова е голем шок за сите нас и несвојствено за мајка ни, и случајот веднаш го пријавивме во полиција.
Се работи за слаба и ниска жена, и секоја информација е добредојдена, за ,„Фокус“ појаснува нејзината ќерка Мартина.
Доколку некој ја забележи веднаш да го исконтактира семејството.
