Се појави нова снимка од несреќата во Нови Сад
Во петокот, на 1 ноември, околу 11:50 часот загинаа 14 лица, меѓу кои четири деца, кога се урна настрешницата на Железничката станица во Нови Сад.
Меѓу жртвите имало и две сестри, кои биле на пат да ги посетат своите баба и дедо, како и едно момче и една девојка кои го чекале автобусот.
Најмладата жртва има само шест години, а од 14 жртви, 13 се од Србија, додека еден маж е од Македонија – пишува „Блиц“.
На „Инстаграм“ профилот „Moj_Beograd” се појави видео од уривање на настрешницата на зградата на железничката станица во Нови Сад, од друг агол.
На видеото се гледа целата станица, како и кобниот момент кога настрешницата се крши и паѓа врз луѓето кои биле долу и на клупите.
Во страшната несреќа што се случи во петокот на 1 ноември нешто пред 12 часот загинаа 14 лица, а тројца се повредени и се во тешка состојба во КБЦ Војводина.
