Еве како изгледа денес Ранду од најгледаната латиноамериканска теленовела „Касандра“ ФОТО
„Касандра“ е веројатно најгледаната латиноамериканска теленовела на сите времиња на овие простори. Скоро нема никој што не знае за Касандра, Игнатиј, Луис Давид, Ранду и Доринда.
Целиот регион ја памети убавата црнокоса и нејзината судбина.
Кога во 1992 година беше прикажана првата епизода цела Македонија беше воодушевена а како што одминуваа епизодите, многумина станаа вистински вљубеници во нејзините ликови.
Многумина беа маѓепсани од убавата главна актерка, Кораима Торес, која ја толкуваше улогата на Касандра.
Женските срца пак ги освои , Освалдо Риос, кој играше два лика, браќата близнаци Игнасио и Луис Давид Контрерас.
Славниот Ранду, на кого Касандра му беше ветената невеста, беше смртно вљубен во неа, а во серијата беше фрлач на ножеви во циркус.
Познатиот Венецуелец сè уште гаи љубов спрема филмот и театарот, каде и понатаму настапува, па пред неколку недели премиерно била изведена претставата „Божиќна песна“ од Чарлс Дикенс, во која играл и тој.
Иако е на прагот на седмата деценија, сепак актерот изгледа одлично, а за сето тоа, нагласува, виновен е неговиот динамичен живот исполнет со дружење со семејството, вежбање и прошетки по плажа.
Актерот кој го играше Ранду се вика Хенри Сото и денес има 60 години, а судејќи според фотографиите, денес тој воопшто не личи на славниот лик од серијата.
Иако го паметиме по долгата црна коса и марами, Хенри денес е „побелен“, има пократка коса, а има и брада и мустаќи.
Сепак, дури и по толку многу години, многумина го поврзуваат со Касандра, а тој самиот не заборави на својата славна улога, па често објавува снимки од оваа серија.
Денес, Хенри игра во театар и се занимава со хуманитарна работа.
