ОВА Е ПРВИОТ ЗНАК ЗА ПОЛИЦИЈАТА ДЕКА ДАНКА (2) Е УБИЕНА За пет и пол минути поминале 150 метри, а на депонијата останале минута и 41 секунда
Според српските медиуми многу брзо по исчезнувањето на Данка Илиќ двајцата осомничени биле приведени и сослушани бидејќи и нивното возило било забележано на некоја од камерите кои полицијата ги прегледувала. Тие во полициска станица тврделе дека немаат никаква врска со исчезнувањето на девојчето.
Но, тие биле многу сомнителни на полицијата и затоа полицијата и пожарникарите ги прекопувале атарите на селата и ги пребаруваа депониите, убедени дека ќе го најдат телото што го закопале.
Министерот за внатрешни работи на Србија, Братислав Гашиќ одржа прес-конференција за убиството на малата Данка Илиќ.
И двајцата го признале делото и детално опишале како го сториле делото – рече Гашиќ.
– Според сите информации ќе ви дадам ретроспектива на целиот настан.
– Мајка пристигнала во 13 часот и 10 минути, децата си играле во дворот. Последната слика му ја испратила на сопругот во 13 часот и 22 минути.
Синот и побарал вода, а таа за неколку минути сфатила дека Данка ја нема. Таа му се јавила на сопругот во 13 часот и 51 минути, а полицијата пристигнала во 13 часот и 59 минути – изјави министерот Гашиќ.
-Од излегувањето од станот на мајката на Ивана Илиќ, го следиме движењето од Бор, споредувајќи ги сите можни лица кои ја поминале рутата во тој временски период.
– Од 13.45 до 13.52 часот Данка се движела по асфалтот. Околу 13 часот и 50 минути мајката покрај возилото „фиат панда“ во кое биле осомничените видела бел автомобил и машко лице. Рекоа дека биле на работна задача во Бањско поле, да ја проверат шахтата. Нивното движење било снимено на камера. Подоцна е снимено дека возилото застанало на капијата околу 13 часот и 50 минути.
Возилото во кое се превезувале С.Ј и Д.Д., околу 2 и пол минути било пред капијата, застанале бидејќи им се одело во тоалет. Потоа тргнале, и го удриле девојчето на 30-40 метри од местото за застанување. Автомобилот го управувал Д.Д., а телото на девојчето С.Ј го пренел на задното седиште. Тие се договориле да го фрлат телото на девојчето. Во 13 часот и 57 минути ги запрел таткото на девојчето и прашал дали го виделе девојчето, на што тие одговориле негативно – рече министерот.
Потоа со автомобилот се упатиле кон депонијата и телото на девојчето го фрлиле во депонијата.
– За монструозноста говори и тоа што на покана на директорот Д.Д отишол да го бара девојчето во Бањско поле свесен дека ја убил.
