СМРТТА НА МАЛАТА САРА (10) СЕУШТЕ E МИСТЕРИЈА: Едно се уште не е јасно, полицијата затекнала страшна глетка во куќата!

Обдукцијата покажа дека Сара се здобила со повеќе повреди кои настанале во подолг временски период

За нејзиното убиство биле сослушани таткото, вујкото и маќеата на Сара Сариф (10), која била пронајдена мртва во нејзиниот дом.

За време на распитот беше соопштено дека причината за смртта на девојчето се уште не е позната и ќе се утврдува во наредниот период.

Експертите рекоа дека се чекаат уште некои резултати, за да се утврди точната причина за смртта на девојчето Сара.

Осомничените се појавија на судењето преку видео врска за да го потврдат идентитетот.

Иако се веруваше дека судењето ќе започне брзо, првото рочиште не беше закажано дури во септември следната година.

Тројца пакистански државјани беа уапсени минатата недела на аеродромот Гетвик во Велика Британија и оттогаш се во затвор.

Тие се товарат за смрт на дете и предизвикување или дозволување смрт на дете.

Пронајдено тело во куќата

Полицијата за случајот била информирана кога таткото на Сара од Пакистан се јавил во британската полиција и го пријавил случајот. По пристигнувањето на местото на настанот, полицијата затекнала страшна глетка во куќата.

Телото на девојчето лежело на креветот покриено со ќебе. Кога го тргнале ќебето, здогледале мало девојче како лежи облечено со главата нагоре и рацете преку градите.

Веднаш била повикана брза помош, но лекарите можеле само да констатираат смрт на девојчето. Таа е идентификувана со помош на ДНК на нејзината мајка Олга и уште една блиска роднина.

Обдукцијата покажа дека Сара се здобила со повеќе повреди кои настанале во подолг временски период.

Точната причина за смртта допрва ќе се соопштува, но сигурно е дека таа подолг период трпела насилство, а смртта настапила поради „вмешаност на другата страна“.

Адвокатите на обвинетите ги отфрлија обвиненијата, но не поднесоа барање за кауција.

Се уште не е позната состојбата на петте деца кои останаа во Пакистан.