Швајцарското село Албинен им нуди на семејствата 50.000 евра само за да ги преселат луѓето на овие прекрасни локации во планинската долина.
Прекрасната област се наоѓа на планинска падина на 1.300 метри надморска височина. Нејзините традиционални планински куќи гледаат на огромната околина на снежно-бели врвови.
На малото село веќе некое време му се заканува исчезнување, бидејќи се поголем број жители се иселуваат од селската живописна заедница во корист на околните градови.
Иако во селото постојат бројни викендички, жителите, посебно младите семејства, си заминуваат.
Само во последната година селото го напуштиле три семејства со вкупно 8 деца, па локалната власт била принудена да го затвори селското училиште.
Жителите на селото бараат од локалната власт да направи нешто за во селото да се врати животот, но и за да се обезбеди иднината и опстанокот на селото.
На крајот на 2020 година во селото живееле само 243 жители. Сепак, со планот дизајниран во 2018 година, сите се надеваат дека ќе го спречат тој тренд.
И покрај тоа што е атрактивно село на 6,8 километри од бањскиот град Леукербад и на 35 минути возење од кантоналниот главен град Сион и индустрискиот град Висп, градот се испразни со текот на годините поради недостаток на работни места.
Семејствата ќе добијат по 25.000 евра по возрасен и уште 10.000 за секое дете. Оваа понуда е примамлива, но има еден услов.
За да го спречи празнењето на градот, Албинен бара луѓе помлади од 45 години за да се вселат и да живеат во селото најмалку 10 години.
