Семејството ни е се’. Во него е собрана сета наша надеж. Да се помолиме за здравје и среќа на нашите најмили.
Господе Исусе, во раните на твоето пресвето срце се ставам себе и сите членови на своето семејство. Понизно де молам, опрости ни ги нашите гревови и направи ги нашите срца благословени и понизни. Те молам да ме заштитиш мене и сите членови на моето семејство. Исусе Христе, ти си наш Господар и ја имаш властта над сите нас. Просветли го моето семејство, местото каде што живееме и работиме, сите луѓе со кои се среќаваме и соработуваме, сите превозни средства со кои се служиме, сите извори на доход и сите материјални средства кои ни се наменети и кои ги поседуваме.
Исусе, вметни ја во нас сета твоја љубов за сите луѓе, особено за оние кои тешко ги прифаќаме и оние кои не не’ сакаат. Нека твојата света крв ја сруши силата на сите лоши навики меѓу нас, на сите негативни зборови, мисли, желби, чувства и постапки. Отстрани ги од нас последиците од негативностите од минатото. Направи не’ отворени за се’ она што сакаш да ни го подариш. Ти благодарам што си секогаш заштитник на мене и моето семејство, за ангелите чувари на секој од нас, за нивната непрекината помош и заштита.
Слава Тебе, Господи. Амин.
