Многумина ова издание на шпанската кралица го споредија со една комбинација на војвотката од Кембриџ
Кралицата Летиција (46) важи за една од најдотераните дами од кралскиот двор, а тоа го покажа и со своето последно издание.
Имено, убавата кралица која е позната и по тоа што покрај скапите често носи и парчиња од поевтини брендови кои можат да си ги дозволат и „обичните смртнички“ овој пат ги воодушеви сите со својот едноставен фустан во темносина нијанса и со бел графички дезен.
Моделот со кратки ракави и со копчиња на предната страна е зачинет со џебови, а кралицата го носеше со ремен.
Целото издание поранешната новинарка го заокружи со високи потпетици од Каролина Херера, а корисниците на социјалните мрежи ова издание го споредија со комбинацијата што Кејт Мидлтон ја носеше минатата година на отворање на една изложба во Лондон.
Војвотката тогаш носеше сличен модел од Ердем
