Ова е првостепена пресуда против која право на жалба имаат и одбраната и Вишото јавно обвинителство
Обвинителството побара девет години затвор за Миловановиќ со оглед на отежнувачката околност што, иако е професионален возач, бил пијан зад воланот и имал изречена забрана за возење во траење од три години.
Ивица Миловановиќ (61) од Ниш, денеска е осуден на седум години затвор за тешко кривично дело против јавниот сообраќај што доведе до смрт на Златица Стојковиќ (66).
Според обвинението, Миловановиќ на 11 ноември минатата година во алкохолизирана состојба со возило „фиат добло“ ја удри Златица на пешачкиот премин на улицата Књажевачка, при што и нанел повреди од кои починала на лице место.
Обвинителството за Миловановиќ побара девет години затвор, со оглед на отежнувачката околност што, иако е професионален возач, бил пијан зад воланот и имал забрана за управување со возило во траење од три години. Адвокатите на нејзиното семејство бараа 12 години затвор, додека бранителите на Миловановиќ беа на мислење дека за оваа тешка сообраќајна несреќа е соодветна казна затвор од најмногу пет години.
Станува збор за првостепена пресуда против која право на жалба имаат и одбраната и Вишото јавно обвинителство.
