Виенската полиција денеска соопшти дека истражува дали девојчето кое во саботата вечерта беше видено на трамвајската станица во Виена е навистина исчезнатата Данка Илиќ од Бор.
Тоа го изјавија од полицијата на прашањето како напредува истрагата и додадоа дека се во постојан контакт со српските власти.
„Српски државјанин кој живее во Виена на 30 март 2024 година околу 20 часот видел двегодишно девојче исчезнато во Србија на трамвајска станица во центарот на Виена. Со детето имало две жени. Контактирал со српските власти. Тие контактирале со виенската полиција „Сведокот беше сослушан и беше обезбедена снимка од набљудувањето на мажот. Точните околности, особено дали навистина се работи за исчезнатото девојче, се предмет на тековната истрага“, соопшти полицијата.
Двегодишната Данка Илиќ исчезнала на 26 март околу 13.45 часот во Бањско Поле кај Бор, а во моментот на исчезнувањето била облечена во виолетови панталони, маслинесто зелена јакна и коса врзана во опавче.
И по една недела откако исчезна девојчето Данка Илиќ (2) од Бањско поле кај Бор, нема сигурни информации што се случило со детето.
Се огласија сите членови на семејството на малата Данка Илиќ, со исклучок на бабата Татјана од која не слушнавме ниту еден збор за исчезнувањето на нејзината внука.
На нејзиниот профил на социјалните мрежи е објавена една фотографија со исчезнатата двегодишна внука, но за новонастанатата ситуација нема ниту збор, ниту апел да се најде.
Дедото на Данка и сопругот на Татјана Милан неколкупати се огласија за медиумите, како и таткото Милош, мајката Ивана, вујкото, прадедото…
Да потсетиме, потрагата влезе во деветти ден, а австриската и српската полиција интензивно работат на случајот… Се aнализира видеото снимено во Виена на кое се гледаат две жени со девојче кое многу личи на исчезнатата Данка.
