ПРВА ИЗЈАВА НА ЃОРЃE ДАВИД ПО ВРАЌАЊЕТО ВО СРБИЈА По страшната несреќа во која загина жена, рокерот го кажа ова

Српската музичка ѕвезда Ѓорѓе Давид официјално ја напушти Македонија, откако доби одобрение од судските институции. По напуштање на земјава, Давид закажа конференција за печат за српските медиуми во текот на утрешниот ден.

„Ѓорѓе замина за Србија. Ги помина сите процедурални барања од нашите надлежни институции и во текот на вчерашниот ден доби дозвола да ја напушти Македонија. Тој, како и досега, е достапен на нашите органи и ќе се јавува во судот во Куманово еднаш месечно. За се што има да каже во однос на ситуацијата, да го почекаме утрешниот ден и нашите медиуми ќе ги добијат сите релевантни и официјални информации од Ѓорѓе“, вели Вера Мештеровиќ, менаџер на Ѓорѓе Давид за Македонија.

Ѓорѓе учествуваше во сообраќајна несреќа во која загина една жена. Тој мораше да остане во земјава додека не доби одобрение од судот да си оди во Србија.

Долго време се шпекулираше кога рокерот ќе се врати во Србија, имајќи ја предвид целокупната ситуација

Тој до денеска остана во Македонија и чекаше да заврши целата процедура, но сега доби дозвола да се врати во Србија.

Тој денеска беше виден во Белград, пред зградата во која живее, а потоа се огласи за тамошните медиуми.

– Вистина е дека сум тука. Но, не би рекол ништо повеќе, утре е конференцијата – изјави тој за Телеграф.

Да потсетиме, Ѓорѓе се сретнал со својот адвокат, по што излегол од станот, го фрлил ѓубрето, а потоа со такси се упатил кон градот, од каде може да се заклучи дека рокерот повеќе не вози автомобил по сообраќајната несреќа пишува „Блиц“.

Популарниот рокер пред повеќе од една недела доживеа сообраќајна несреќа во Македонија кога со својот автомобил удри во жена која се движела по автопат, која потоа починала.