ПОЧИНА ПРВИОТ МАКЕДОНСКИ КЕЧЕР – луѓето го паметат по крвавата тепачка во кафеана кога му одгриза прст на ривал
Македонскиот борач Крис Марков почина на 85-годишна возраст по мозочен удар.
Марков по потекло е од Македонија и беше познат по својата личност и успешните настапи во тимски борби. Роден под името Ристо Желеваров на 1 март 1938 година, се борел од почетокот на шеесеттите до почетокот на осумдесеттите години на минатиот век.
Во текот на својата кариера користел различни псевдоними како што се Хари Медисон, Франц фон Енрих, Крис Желеваров и неколку различни варијации на неговото вистинско име.
Неговата кариера беше обележана со ривалство со Апачи Бул Рамос. Во 1972 година Марков беше на турнеја низ Јапонија, кога имаше серија натпревари со него, но сето тоа кулминираше со пресметка во ресторан. Тогаш Рамос му откина дел од увото на Марков, а Марков му го одгриза врвот на прстот на Рамос.
Марков ја започна својата кариера во Мелбурн, под името Крис Желеварoв и брзо од аматерски премина во професионален, а често ги менуваше земјите што ги претставуваше, па во еден момент тоа беше Македонија, но и Русија, Југославија, Словенија и Грција.