Светскиот рекордер во маратон, Келвин Киптум загина на 24-годишна возраст во сообраќајна несреќа.
Со Киптум загина и неговиот тренер Жерваис Хакизимана, а по трагичната вест се јави првиот човек на светската атлетика, Себастијан Коу.
„Шокирани сме и тажни поради огромната загуба на Киптум. Ова е голема загуба за спортот. Испраќаме сочувство до нивните семејства, пријатели и колеги“, кажа Коу.
Светскиот рекордер на маратонската делница, Келвин Киптум трагично го загуби својот живот во родната Кенија, а оттаму почнаа да пристигнуваат и првите детали за тоа како дошло до немилиот настан.
Најдобриот маратонец го загуби животот на само 24-годишна возраст како последница на фатални повреди кои ги добил од сообраќајната несреќа, која била предизвикана токму од Кимптум кој управувал со своето возило.
Келвин излелат од патот на делницата Елдорет-Каптаг и со голема брзина се забил во дрво, по што автомобилот паднал и во каналот кој бил во близина. Од силината на ударот, автомобилот бил целосно распарачен на едната страна, а Киптум излетал од истиот и бил пронајден мртов на лице место од страна на првите очевидци на настанот.
Како што јавуваат сведоците, неговиот тренер Жерваис Хакизимана првично го преживеал ударот и очајно барам помош од луѓето кои пристигнале на местото на случување, но за жал подлегнал на тешките повреди на пат кон болница.
