Ова е несреќната жена која невенчаниот сопруг ја уби во Шипово: Ги донела децата кај баба и дедо, па монструмот и влегол во автомобилот!
Несреќната жена останала мртва на лице место, додека Никола со прострелна рана во главата е пренесен во Универзитетската болница на Република Српска каде му била извршена операција и е на вештачко дишење.
Анѓелка М.(34) била убиена во понеделникот во Шипово од невенчаниот сопруг Никола Чамбо (37), по што се обидел да си пресуди!
Несреќната жена останала мртва на лице место, додека Никола со прострелна рана во главата е пренесен во болницата во Република Српска каде му била извршена операција и е на вештачко дишење.
Според АТВ, Анѓелка во два наврати поднела пријава за семејно насилство против нејзиниот невенчан сопруг Никола Чамбо (38), а една од тие истраги била прекината бидејќи се откажала од кривично гонење.
Извор близок до истрагата открива дека Анѓелка ја поднела првата жалба против Никола во 2023 година, додека втората ја поднела во мај.
– Во двата случаи, полицијата постапила по пријавите и поднесе пријава против Чамбо до Окружното јавно обвинителство во Бања Лука. Во еден случај истрагата е прекината затоа што жртвата се откажала од кривично гонење, додека втората пријава се уште се чека – вели добро упатен извор.
По нападот во мај, Анѓелка го напуштила Никола и живеела со своите роднини со нејзините две деца, на две и на шест години. Сепак, сведоците тврдат дека Анѓелка и нејзиниот невенчан сопруг и после тоа останале во контакт и дека биле видени заедно.
Досегашната истрага укажува дека Анѓелка утринава со автомобил ги однела децата кај родителите на Никола на чување. Тој наводно чекал пред куќата и кога Анѓелка ги оставила децата влегол во автомобилот, извршил грозоморно злосторство, а потоа се обидел да се самоубие.
Се уште не е познато од каде и како го набавил пиштолот, но најверојатно се работи за нелегално оружје.
