Албанката Енкеледа Чела (21) е исчезната од ноќта петок кон сабота. Нејзините пријатели за нејзиното исчезнување го информирале и нејзиното семејство во Албанија.
Чела, која во Скопје студирала на Економскиот факултет, во петокот вечерта некаде околу полноќ и 1 часот излегла да прошета на кејот на Вардар во населбата Илинден каде и што живеела.
Чела во петокот вечерта некаде околу полноќ и 01 часот излегла да прошета на којот на Вардар во населбата Илинден каде и што живеела. Не се вратила дома. Пријателката со која живее почнала потрага и според информациите, Енкеледа била видена на бензинска пумпа во Илинден утрото во саботата.
Случајот е пријавен во полиција.
– На 30.03.2024 во ПО Петровец Г.Т. пријавила дека Е.Ч.(20) од Република Албанија се оддалечила од домот во Скопје каде престојува. Се преземаат мерки за пронаоѓање на лицето, се вели во соопштението од МВР.
Според пријателите на Чела МВР в понеделник ќе ги прегледува камерите на местото каде што наводно последен пат била видена девојката.
Според информациите што за А1он ги дадоа нејзините пријатели, телефонот и е исклучен, личната карта и е дома, но претпоставуваат дека пасошот и бил во ранецот кој го носела со себе.
Девојката има црвено-кафеава коса, носи протеза на горните заби. висока е 160 см, а тешка околу 55 килограми. Кога исчезнала била облечена во фармерки и црна јакна, со себе носела ранец.