Отстранување на шминката со природни средства + рецепти за тоник за отстранување на шминка

Рецепти за домашни лосиони за отстранување на шминката

Тоник од камилица и масла

Потребно: 50ml масло од јојоба, 50ml чај од камилица, 1 капка масло од лаванда.

Подготовка: Направете чај од камилица, процедете го и кога ќе се излади додадете го во него маслото од јојоба и 1 капка масло од лаванда. Пред секоја употреба убаво промешајте. Нанесете на парче памук и со нежни движења отстранете ја шминката. Посебно внимавајте на пределот околу очите бидејќи се многу осетливи и со груби движења можете лесно да ги иритирате.

Тоник од краставица и млеко

Краставицата содржи многу вода, па затоа е одлична за хидратација на кожата. Таа исто така е одлична и за отстранување на шминката.

Потребно: 1 помала краставица, шолја млеко

Подготовка: Исечете ја краставицата на ситни парчиња или изрендајте ја, па убаво изгмечете ја. Додадете го млекото и добиената смеса варете ја десетина минути, па оставете ја да се олади. Нанесете на памукче и отстранете ја шминката. Овој тоник ја храни кожата, ја хидрира и придонесува за намалување на брчките. Идеален е за мрсна кожа на лицето.

Премини на следната страна >>