„Педесет нијанси ослободени“ ги диктира трендовите – сите зборуваат за фустанот на Анастасија Стил
Во големото филмско финале од трилогијата на Е.Л. Џејмс главните ликови конечно ќе застанат под олтарот.
Кристијан Греј и Анастасија Стил ќе се венчаат во третиот дел од филмската трилогија која започна со „Педесет нијанси сиво“. Филмот „Педесет нијанси осолободени“ и покрај лошите критики предизвикува внимание и ги полни кино салите, впрочем како и претходите два дела, па заработката повторно ќе се брои во милиони, а се шушка и дека е голема веројатноста филмската франшиза на крајот да заработи и преку 1 милијарди долари.
Но новото продолжение покрај тоа што ги полни салите, најверојатно ќе одреди и некои нови трендови. Ова пред сé се однесува на венчаницата што ја носеше главната хероина и со која се омажи со „најпроблематичниот“, но воедно и најшармантниот маж во нејзиниот живот. Имено фустанот од тантела и тил што го носеше Дакота Џонс кога го кажа своето судбоносно ДА во филмот е замисла на познатата дизајнерка Моник Лилие која исто така го креираше и сребрениот слип фустан што актерката го носеше на маскенбалот.
Фустанот е со традиционален крој, но со модерен „призвук“, и истиот најверојатно наскоро ќе може да се најде и на продажба. Моник за американскиот Ел изјави дека доколку постои заинтересираност истиот би можел да се најде и како дел од некоја нејзина колекција. А бидејќи обожавателките и идните невести откако видоа како и стои на познатата 28 годишната актерка не престануваат да ѕвонат на телефоните, прашање само на време е кога одговорните од брендот ќе објават од каде може да се порача и најде истиот модел.
https://www.instagram.com/p/Be5tUVnn_dk/?utm_source=ig_embed
https://www.instagram.com/p/BfHz7denkPO/?utm_source=ig_embed
Па, дали ви се допаѓа венчаницата што ја носи Анастасија?
