Откако прекрасната Кејт Хадсон (34) го покажа нејзиното неодоливо тело во филмот „Како да изгубите фраер за 10 дена“, сите се прашуваа која е тајната на нејзината совршена линија.
За среќа таа реши да ја открие тајната како се одржува во топ форма во последниот број на магазинот The Zoe Reporta.
„Моето основно правило е да се потам шест дена во неделата. Понекогаш тоа е со интензивни вежби во теретана, а понекогаш едноставно со трчање по децата“, вели Кејт која е мајка на две момчиња – десетгодишниот Рајдер и двегодишниот Бингам.
Според неа нема резултат без напорно вежбање, но „да се биде во форма не значи само да се поминуваат часови и часови во теретана, туку многу е важно и сето она што го правите помеѓу тоа“, вели Кејт и додавадека е сеедно што правите: шетање, играње фудбал со децата или носење намирници од продавница.
Кејт вели дека во животот е најважна е мотивацијата, и ова се однесува на сé, па и на физичката кондиција и здравиот начин на живеење:
„Единствената работа за која сите жени размислуваат е како да пронајдат време за себе и да бидат среќни“, а според неа токму физичката активност во кој било облик може да има одлични резултати за телото, но и за психата кај секоја жена.
Што се однесува до диетите, таа повеќе преферира внимателно избрани оброци, отколку некоја конкретна диета:
„Сакам да бидат здрава и во форма, но притоа да не се изгладнувам и да не си ја ускратувам храната што ја сакам“, заклучува таа.