Оваа непечена торта со банани и јагоди е вистинско освежување за летните денови коишто доаѓаат.
Оваа непечена торта со банани и јагоди е вистинско освежување за летните денови коишто доаѓаат. Можете да јадете колку што сакате, без да се плашите дека ќе добиете некој килограм вишок.
Потребни состојки:
– 3 банани
– 2 шолји замрзнати јагоди
– 1-3 лажици кокосово масло
За фил:
– 2 шолји индиски ореви
– 2 шолји урми
– 1 излупен портокал
– 2 лажички кокосово масло
– вода по потреба
Подготовка:
Ставете ги бананите во блендер, а потоа додајте ги јагодите и блендирајте. Ставете рамномерно во калапот за торта. Потоа во блендер мешајте ги сите состојки додека не стане густо, па по малку додавајте вода (доколку воопшто ви е потребно). Што помалку вода додавате, содржината ќе биде покремаста. Ставете го слојот одозгора во калапот и нанесете крем од индиски ореви по страните и на врвот. Украсете ја тортата, замрзнете ја и уживајте во овој леден десерт.
