Како кај жените, така и кај мажите, стомакот е најкритичниот дел од телото на кој најпрво се завележувааз знаци на дебелеење.
Иако најчести причини за дебелеење се лошата исхрана и седечки животен стил, односно недоволно движење, постојат и други до некаде занемарени причини поради кои може да ви расте стомакот, дури и да се храните здраво. Еве некои од нив:
Генетика
Додека кај некои жени насобраните килограми најпрво се таложат во задникот и бутовите, кај некои несаканите наслаги се собираат токму на подрачјето на половината. Причина за тоа е генетиката. Градбата на телото ја наследувате од родителите и поблиските роднини, а со тоа и склоноста кон дебелеење во одредени делови од телото.
Недоволно сон
Сонот е многу важен за нормална работа на организмот. Недоволниот сон предизвикува намалено лачење на хормонот лептин во организмот, а го зглемува лачењето на грелин – хормонот кој стимулира глад. Хронично ненаспиен организам на мозокот му праќа сигнали кои ја зголемуваат желбата за храна па телото почнува да собира резерви во облик на масни наслаги.
Лекарства
Некои лекарства можат да бидат причина за дебелеење без да сте свесни за тоа. Овде најчесто станува збор за лекарства кои се користат за болести како дијабетис, мигрена, висок крвен притисок, депресија, стероиди и хормонални таблети за контрацепција.
Доколку користите некои од споменатите лекови и забележите нагло зголемување на килограмите во краток временски период, тогаш побарајте совет од вашиот лекар.
