Неодоливи очила за сонце од Westward Leaning x Olivia Palermo – за вистинските трендсетерки

Оливија Палермо и култниот калифорниски бренд „Westward Leaning“ ви ја претставуваат новата колекција на очила за сонце на кои НЕ можете да останете рамнодушни!

„Westward Leaning“ важи за бренд чии главни карактеристики се нивниот специфичен шик и луксуз, а соработката со познатата американска трендсетерка резултираше со префинети, женствени, вонвременски и елегантни очила за сонце кои секој посебно се рачно склопени во Сан Франциско.

Колекцијата е плод на директна соработка меѓу Оливија Палермо и Роберт Денинг, основачот и креативниот директор на „Westward Leaning“. Достапни се четири фантастични стилови на овие очила, а колку нивната побарувачка е голема, најдобро илустрира фактот дека еден од моделите веќе се распродадени преку познатата интернет продавница „Net-a-porter“.

Нивната цена се движи од 220 до 265 евра, а моделите можете да ги видите во продолжение во нашата галерија.