За да бидете поздрави и поубави не мора да преземате некои радикални чекори. Понекогаш се доволни само мали промени во исхраната и начинот на живот.
Погрижете се следниве намирници да станат дел од вашата исхрана и ќе го прочистите организмот, ќе го забрзате губењето на вишокот килограми и ќе го подобрите расположението!
Лук
Лукот е добар за срцето, но исто така помага и во прочистувањето на организмот од отровите, благодарение на неговите антивирусни, антибактериски и антибиотички својства. Исто така, лукот содржи алицин, кој го поттикнува создавањето на бели крвни клетки и помага во ослободувањето од отровите.
Зелен чај
Пиењето зелен чај претставува еден од најдобрите начини за детоксикација на организмот. Зелениот чај е богат со антиоксиданси и го штити црниот дроб од заболувања.
Ѓумбир
Ѓумбирот е многу делотворен во случај на појава на мачнина, подуеност, лошо варење и гасови, кои често се резултат на негативното влијание на алкохолот и мрсната храна на организмот. Богат е со антиоксиданси и го подобрува имунитетот.
Лимон
Лимонот е едно од најефикасните средства за прочистување на организмот. Изобилува со витамин Ц и антиоксиданси кои прават чуда за кожата, како и во одбраната на организмот од слободните радикали кои предизвикуваат болести. Лимонот има и алкален ефект и помага во воспоставувањето на Пх рамнотежа, со што се подобрува имунитетот.
Овошје
Свежото овошје е богато со витамини, минерали, влакна и антиоксиданси, а истовремено содржи многу малку калории. Поради тоа овошјето е главна компонента на секој план за детоксикација. Најдобро е да се јаде наутро, но може да се јаде и како ужина во текот на денот. Овошјето го подобрува варењето на храната и прочистувањето од отровите.
Цвекло
Цвеклото содржи големи количини на магнезиум, железо и витамин Ц, и е многу корисно за организмот. Исто тала, цвеклото помага во контролата на холестеролот и го чисти црниот дроб. Може да се јаде свежо или варено, или во форма на сок.
Интегрален ориз
Интегралниот ориз содржи витамин Б, магнезиум, манган и фосфор, кои помагаат во прочистувањето на организмот. Многу е делотворен и во прочистувањето на дебелото црево, а исто така е богат со селен, кој го штити црниот дроб и ја подобрува состојбата на кожата.
Извор: klix.ba