Повеќето луѓе веднаш штом ќе се разбудат посегнуваат по својот мобилен телефон и истото го прават во текот на денот уште многу пати.
Повеќето луѓе веднаш штом ќе се разбудат посегнуваат по својот мобилен телефон и истото го прават во текот на денот уште многу пати. Но, дали сте знаеле дека мобилните телефони може да влијаат и на вашата убавина? Секако, ова не значи дека треба да се откажете од нив, но вреди да го прочитате овој текст па да видите како можете да ги намалите тие последици.
1. Брчки околу вратот
Без оглед на тоа дали испраќате мејл или ги следите новостите на социјалните мрежи, безбројните спуштања на погледите на екранот на смартфонот, со текот на времето може да предизвика прерана појава на длабоки хоризонтални брчки на вратот, односно опуштање на кожата во оваа област. Затоа, потрудете се телефонот повеќе да го држите во висина на очите.
2. Брчки на лицето
Доколку и вие имате навика да го користите вашиот телефон во бракот, тогаш најверојатно многу побрзо ќе забележувате брчки на вашето лице од оние кои не го практикуваат тоа. Многу луѓе го користат мобилниот телефон без какво било осветлување во просторијата, на пример во креветот. Со текот на времето почнуваат да се формираат брчки, затоа што очните мускули дополнително се напрегаат. Ефектот е ист како и кога одите на плажа без очила за сонце. Најважна превенција е да не го користите смартфонот додека сте во темно!
3. Акни од мобилен телефон
Екранот на телефонот, особено поновите генерации, побрзо станува масен, а бактериите се лепат за маснотиите. Затоа, секогаш кога можете, користете слушалки и практикувајте редовно да го чистите телефонот со антибактериско средство.