Познато е дека во низа различни култури и традиционални медицини овесот (зоб) се користи за лекување на различни видови зависности, дури и зависност од опојни дроги.
Желбата за пушењето ќе се намали и дури и целосно ќе исчезне ако го пиете овој пијалок од овес. Земете еден емајлиран лонец од 3 литра и до половината наполнете го со неисчистен овес (со плева). Потоа дополнете го лонецот со ладна вода до горе, ставете на шпорет и варете го овесот половина час на тивок оган. Веднаш процедете ја врелата течност во друг сад и додадете 100 грама невен. Убаво поклопете го садот и замотајте го во ќебе да се задржи топлината. Оставете го да стои така 10-12 часа. Потоа процедете ја течноста и пијте по 200 милилитри 3 пати на ден, пред јадење. Како објаснување за делувањето на овесот за оваа цел се наведува дека зелениот овес има благо седативно дејство што на некој начин ја намалува физичката зависност од никотин. Научните мислења се поделени, дел од студиите ги потврдуваат овие наводи, но дел тврдат дека не дошле до истите резултати.
Сепак, несомнено овесот има позитивни ефекти на нашето здравје. Чинија овес наутро е одличен начин да се започне денот посебно ако страдате од срцеви заболувања или дијабетес или пак сакате да ги спречите истите. Овесот во комбинација со храна со низок удел на масти и редовна физичка активност е исто така и одлично средство за борба против холестеролот.
Овесот исто така содржи антиоксиданси, го подобрува имунитетот и го регулира нивото на шеќер и инсулин во крвта, ги ублажува воспалителните процеси во згобовите и сврзното ткиво и ги штити забите од кариес.