Македонските модни блогери се оригинални, свежи и храбри.
Елена од блогот Shy but secretly fabulous е една од најмладите македонски блогерки, но иако има само 16 години таа има изграден моден стил и покажува како треба да изгледаат девојките на нејзина возраст.
Погледнете што ќе носи Елена на новогодишната прослава со пријатели во домашна атмосфера:
Мислам дека сите треба да останат верни на својот стил, и новогодишниот дочек не е исклучок. Јас обожавам preppy кошулчиња и целиот софистициран но сеуште младешки изглед, па се одлучив за парчиња кои веќе одамна се наоѓаат во мојот плакар. Ако сте во недоумица дали да носите нешто светкаво или пак нешто необично, сетете се дека никогаш не може да се погреши со црно-бела новогодишна комбинација. Мојот избор падна на бела кошула и црно здолниште со висок струк. Пар црни хулахопки, црни чизмички, омиленото плико и стејтмент ланче – совршен избор за надополнување на која било комбинација.
Aвтор: Александра Спасеска
