Никогаш не е доволно од фантазирањето и игрите во креветот.
Никогаш не е доволно од фантазирањето и игрите во креветот. Сето тоа е во ред, затоа што во сексот треба постојано да истражувате и да барате нови задоволства. Еден од тие начини е и користењето лубриканти. Сепак, експертите советуваат дека треба да внимавате што користите, затоа што вагината не е место каде што можете да ставите што било.
Еве што треба да избегнувате:
Вазелин
Вазелинот е дизајниран за да создава заштитен слој на кожата, за подобро да зарасте при повредата. Тоа значи дека кожата не го впива и дека може да остане на ѕидовите на вагината. Исто така не е добро да го комбинирате со кондоми од латекс, затоа што ќе ги оштетат.
Кокосово масло
Слично како и вазелинот, и ова масло може да ги оштети кондомите од латекс, но има и антибактериски својства, што може да ја уништат вагиналната флора.
Лосион за тело и крема за раце
Некој би рекол дека сѐ што е хидратантно, може да послужи како лубрикант, но тоа не е така. Овие производи не се наменети за внатрешна употреба, а може да ја уништат и pH вредноста на вагината и да предизвикаат иритации, особено ако се парфимирани.
Течен сапун
Овој сапун е за дезинфекција на раце, па мислите дек е безбеден и за интимната зона? Никако! Тој може само да предизвика чешање.
Храна
Многумина сакаат со храната да ги зачинат своите сексуални акробации, но се знае каде е нејзиното место. Доколку залута во вагината, може да предизвика разни инфекции. Затоа, бидете внимателни!
