Туна можеби е најгрдото кученце на светот, но тоа има повеќе обожаватели и пари од повеќето од нас
„Луѓето велат дека Туна е најгрдиот пес на светот. Но јас им велам дека е најубавиот“ вели неговата газдарица Кортнеј Дашер.
Но, без разлика во која категорија ќе ја сместите Туна, факт е дека малиот пес има 1.4 милиони следбеници на Инстаграм и е попопуларен не само од вас, туку и од мега-популарните ѕвезди како Пол Макартни и Канје Вест
И тоа не е се. Шармантната Туна има 4 години, но и линија за облека за кучиња, а деновиве Дашер ја објави и неговата прва автобиографија.
Инаку, кога таа прв пат објави фотографија од својот љубимец кој боледува од дисфункција на долната вилица, тоа веднаш беше прогласено за најгрдото куче во светот. Дашер вели дека на почетокот коментарите биле грозни.
„Луѓето зборуваа грозни нешта. Да го фрлам на карпи, дека е толку грд што најдобро би било да го успијам… И тоа навистина беше вознемирувачко за мене“, вели Дашер којашто го нашла кученцето кога имало само четири месеци.
Денеска профилот „Туна ги топи вашите срца“ ги руши сите рекорди по посетеност, а обожавателите и следбениците на профилот можат да купуваат и модни додатоци со ликот на Туна.
По се изгледа дека сопственичката на кученцето има добар бизнис план и многу добро ја користи популарноста на својот љубимец