Наташа Гилсон (29) пред една година ја роди ќерката Анаис, а оваа година ја освои титулта на меѓународен шампион во бодибилдинг.
„Имаше околу 50 учеснички во натпреварот но јас бев единствената мама со толку мало бебе“, вели Наташа која пред само една недела победи на „Fit factor“ натпреварот во Бирмингем пред околу 60.000 луѓе.
Наташа беше единствената девојка со афро фризура помеѓу сите оние „нашминкани натпреварувачки кои се со вештачки нокти“. Таа на почетокот имала трема, но на крајот се покажа во сиот свој сјај кога и се исплати напорното вежбање. Наташа претходната година донесе смела одлука да ја напушти работата и целосно се посвети на тренирањето. Наскоро се вработи како фитнес тренер во еден клуб.
Наташа може да подигне 90 килограми, а нејзината половина изнесува 63 сантиметри.
Нејзина желба е своите вештини да почне да ги покажува и на ТВ:
„Железото треба да се кове додека е жешко, па би сакала од своето име да направам бренд, можеби во некој весник да добијам постојана рубрика или да пишувам колумни за фитнесот“, вели Наташа.
