Ви го претставуваме местото со најубавиот сладолед во градот, каде покрај слатките рецептури можете да уживате и во вкусот на убавото италијанско кафе.
Ах, сладолед, тоа мало, слатко и вкусно задоволство без кое не можеме да замислиме ниту една летна сезона, особено откако живата во термометарот ќе почне да се искачува и до + 40 степени. Па, доколку деновиве се чувствувате прегреано како што се чувствуваме и ние, и доколку сте во потрага по урбано место во кое ќе можете да се разладите, но и да уживате во пријатната атмосфера и во вкусовите, тогаш од сé срце ви препорачуваме да скокнете и да го ѕирнете новото место „Радост“.
Се наоѓа во строгиот центар на Скопје, во улицата на јапонските цреши, каде „животот мириса на ванила и има вкус на чоколадо“. Местото е рај за вистинските сладокусци бидејќи покрај сладоледите со 30 нијанси на неодоливи додатоци на ова место ќе му се радувате и на вкусниот мирис на доброто италијанско кафе. Но, како што велат добро упатените, тајната се крие во добрата комбинација и мешањето на вкусовите. Па чоколадо или ванила, прашање е сега, а откако ќе го добиете одговорот на ова прашање, продолжете на „корзо“ со вашето ново момче или девојка и не заборавајте дека рандевуто на ова место останува во слатко сеќавање.
