Младата месечина во знакот Лав го означи почетокот на новиот лунарен циклус.
Младата месечина во знакот на Лав го означи почетокот на новиот лунарен циклус. На глобален план, младата месечина во огнениот знак Лав во наредните денови ќе донесе осцилација, несоница, потреба за привлекување внимание и долга пауза при секоја постапка или разговор. Зголемената потреба за екстраваганција и потребата за „тренди“ скапоцени работи во вашиот живот ќе го обележи овој период. Токму овие денови ќе посакате на ѕидот во својата дневна соба да имате склоп од уметнички слики. Некои дами едноставно ќе мораат да ја променат фризурата по пример на моделите од омиленото модно списание, а тоа особено ќе се однесува на некои посветли прамени на косата или пак нагласени шишки. Разубавувањето, односно потребата за убавина генерално ќе биде присутна во секоја сфера на животот, без оглед дали сте машко или женско. Што се однесува до вашиот паричник, ова ќе биде непогоден период. Вам ви се чини дека некои планови стојат во место веќе подолго време, но кога Сатурн ќе ја промени насоката, работите ќе добијат забрзување. Застанете пред огледало, длабоко загледајте се во својот одраз и потрудете се да најдете сила, љубов и верба… па, одеднаш ќе забележите чудо, односно дека вашите планови и цели ќе станат реалност!
