Најдобро се сложува со Рибите и Лавовите, а мана им е што се многу одмаздољубиви.
Најдобро се сложува со Рибите и Лавовите, а мана им е што се многу одмаздољубиви. Дали некогаш сте се запрашале кој е најголемиот одмазник во Зодијакот? На кој едноставно не смеете да му замерите? Во прашање е токму Скорпијата. Скорпиите често оставаат впечаток на студени и рамнодушни личности, но тоа е само нивен оклоп кој другите мора да го пробијат за да се спријателат со нив. Внатрешно, тие се едни од најдобрите пријатели кои некој може да ги посака. Ним е потребен некој кој ќе ги разбира, но и некој кој ќе биде толку искрен колку што се и тие самите.
Со нив никако не смеете да влегувате во жестоки кавги, затоа што како непријатели се навистина незгодни. Интелигентни се, многу храбри и одмаздољубиви. Долго време ќе ги паметат навредите, а имаат и многу развиена интуиција при што однапред може да почувствуваат кога имаат закана. Нивната најизразена особина е воздржаноста, при што може да ви изгледат по малку таинствени. Никогаш не дозволуваат лесно да навлезете во нивните интимни и скриени делови, а своите слаби точки успешно ги кријат од другите. Она што во многу случаеви им дава предност е длабоката и силна интуиција, при што лесно може да ја разликуваат лагата од вистината, доброто од злото.
Доколку проценат дека живеат во не толку добра околина, тие имаат сила да се оттргнат и да живеат сами. Доколку никој не сака да отиде со нив, тие самите тргнуваат да ја откриваат смислата на животот и светот. Своите тајни нема да ви ги откријат, но ќе се трудат многу за да ги дознаат вашите најскриени делови, со цел да владеат. Не поднесуваат закани и уцени.
