Во Париз овие денови се одвива Модната недела на високата мода, а во понеделникот беше ревијата и балот на Кристијан Диор на кој под маски се појавија водечките трендстерки и го привлекуваа вниманието во своите „naked“ фустани.
Овие фустани владееја со црвениот килим и минатата година кога многу често се случуваше некоја позната или помалку позната девојка да се појави во креација која се наоѓа на самата граница на добриот вкус. Овој пат на балот во новите haute couture фустани се појавија Бела Хадид, Кендал Џенер и Кјара Ферагни кои носеа проѕирни фустани со романтични и женствени кроеви, но кои воедно беа и без постави па на трендсетерките им се гледаа голите гради.
Еве зошто ангелите на Викторијас Сикрет изгледаат како Ким Кардашијан >>
Неколку часа претходно Кјара се фотографираше со маица со кратки ракави на која пишува We should all be feminists која исто така е со потписот на овој моден бренд. Со доаѓањето на новата креативна дизајнерка Марија Грација Чури, Диор го стави акцентот на феминизмот, а пораките во таквиот дух можевме да ги видиме и во нејзината прва ready-to-wear колекција за оваа престижна француска модна куќа. Од тука сосема е јасно дека фустаните се избрани намерно и дека треба да испратат одредена порака. Но ние се прашуваме – зарем феминизмот не го надмина испраќањето на пораките по пат на голи гради и разголени брадавици? Ако ја прашуваме високата мода, очигледно дека не!
Мажите во очај, но тоа и го заслужија! Овој тренд станува минато >>
Деколтеата се минато – покажете го овој дел од телото >>
Извор: Fashion.hr
