Да си добар човек тоа е многу поважно од физичката убавина и бројките на банкарската сметка. и воопшто не е тешко да си добар.
Сè започнува од малите дела на љубезност, добрина и емпатија. Затоа уште денес, биди подобар од вчера.
Изненади ја саканата. Не мора да е со скап подарок. На огромен хамер напиши и дека ја сакаш и стави и го на автомобилот или почасти ја со неколку бонбони спаковани во убава кутија.
Или оди и изненадно на работа, изнагушкај ја, кажи и дека ти фали иако само пред неколку часа заедно го пиевто утринското кафе.
Помагај на послабите, на оние кои сред вртлогот на егзистенцијата останале без скршен денар. Отвори ги плакарите и донирај ја сета таа облека која веќе на ја носиш. Наместо еден леб, купи два и едниот подари го на некој бездомник.
Понуди и на пријателката да и ги причуваш децата додека таа е на фризер. Однеси ги на сокче и колачиња. Играј со детето на соседите. Волонтирај во дом за деца без родители. Нема нешто поубаво од тоа да изнудиш детска насмевка.
Донирај за болните. Можеби токму твоите сто денари се оние кои ќе променат нешто. Донирај крв, ќе спасиш нечиј живот.
Биди добар денес и секој нареден ден. Ако сите луѓе барем десет минути во денот бидат добри и хумани, замисли во колку убав свет ќе живееме. Промената започнува од тебе!