Маленија Трамп ги засени првите жени на кралското семејство – а и Шекеринска не изгледаше лошо за еден ваков настан
На 70 самит на НАТО на состанокот во Бекингемската палата беа претставници на сите земји членки.
Меѓу нив беше и нашата делегација, а вицепремиерката и министерката за одбрана на Република Македонија, Радмила Шекеринска, во палата се сретна и се запозна со војвотката од Кембриџ, Кејт Мидлтон.
Но на приемот најмногу внимание не привлече домаќинката од кралскиот двор, туку првата дама на Америка, Меланија Трамп.
Имено, убавата Словенка за овој настан одлучи да носи волнен жолт капут од престижната италијанска модна куќа „Валентино“ во вредност од 5400 евра, во комбинација со ефектен фустан во розова боја од кој можевме да ги видиме само ракавите кои ѕиркаа под капутот-фустан.
Таа фустанот го носеше со шик високи потпетици во слична нијанса од нејзиниот омилен дизајнер Кристијан Лобутин.
За разлика од поранешната манекенка Кејт Мидлтон носеше формален фустан во смарагдно зелена боја со која одвај го привлече вниманието на медиумите.
Впрочем како и Камила Паркер Боулс која носеше класичен црвен фустан во комбинација со црвени детали.
Инаку, средбата помеѓу Радмила Шекеринска и Кејт Мидлтон беше забележана и од страна на британските медиуми, а како изгледаше нашата вицепремиерка и министерка за одбрана погледнете во продолжение.
