Шестмесечното бебе успеа да го победи коронавирусот – докторите и медицинските сестри го испратија со аплауз (видео)

Шестмесечната Ерин Бејтс целосно оздрави од коронавирусот, пренесуваат британските медиуми.

Бебето било примено во болницата во Ливерпул пред две недели и веднаш било ставено на кислород. Набргу потоа, пристигнале наодите кои откриле дека е заразена со Ковид-19.

Лекарите и даваа мала шанса дека ќе оздрави бидејќи закрепнуваше од операција на срцето.

Нејзиниот татко објави фотографија од својата ќерка од болнички кревет за да ги предупреди луѓето да ја почитуваат социјалната дистанца и да останат дома. „Ерин го победи вирусот. Таа се насмевнува и гуга“, напиша нејзиниот татко Вејн, а среќна е и нејзината мајка.

„Ние сме горди. Толку мала, а таков борец “, додаде таа.

Вработените во болницата ја почестија малата Ерин, откако излегоа од просторијата за изолација, со голем аплауз.