Цеца Ражнатовиќ неутешна по смртта на Вања кажа само едно: Зошто Боже?

Телото на четиринаесетгодишното девојче Вања Ѓорчевска било пронајдено вчера, а полицијата соопшти дека тинејџерката е убиена.

Според извештаите, во нејзиното убиство учествувале пет лица.

Денес по големата трагедија со која очигледно е запознаена и пејачката Светлана Цеца Ражнатовиќ сподели фотографија од Вања простувајќи се од неа.

– Зошто Боже? – напиша пејачката со скршено срце емотикон.

Да потсетиме, во неделата вечерта во околината на Скопје беше пронајдено телото на Вања Ѓорчевска (14), која исчезна на 27 ноември, а за нејзиното убиство се осомничени четири лица, од кои едното е во бегство.

Истата вечер било пронајдено и телото на П.Ж. (74) од Велес, чие исчезнување било пријавено на 24 ноември.

Трите лица Велибор Манев, Влатко Кешишев и Боре Видевски, го признале целиот ангажман за киднапирањето и убиството на Вања Ѓорчевска и Панче Жежовски. Шефот на скопското Обвинителство, Гаврил Бубевски посочи дека се гонат за три дела – меѓу кои убиство. Тие при признавањето, го кажале тајмингот кога била убиена Вања, а кога Панче.

„Сторителите се исти и за првото и за второто кривично дело. Тие се казнуваат според најтешката кривично-правна квалификација со најстрога казна“, откри Бубевски на денешната прес конференција.

Според првичните информации, тие во исказите кажале дека ја убиле Вања бидејќи работата излегла од контрола.

„Тоа е нивната верзија“, додаде Бубевски.

Одземени се биолошки траги, кои се испитуваат. Откако резултатите ќе бидат готови, ќе има истрага и повеќе детали.