Цел свет во шок откако се појави веста дека кралицата Елизабета Втора пoчинaлa, а Заев на фотографија со неа (фото)
Цел свет беше во шок откако на социјалните мрежи се појави вест дека пoчинaлa кралицата Елизабета II, пренесува познатиот британски весник „Мирор“.
Веста ја објави анонимен корисник на Твитер под името „Gibbo“, кој објави порака од „WhatsApp“ група во која пишуваше дека 93 годишната кралица имала срцев удар. Овие информации наводно ги добил од чувар на кралското семејство, а наводно требало да биде објавено и дека пoчинaлa.
Како и обично, од палатата не се огласуваат кога се во прашање трачеви, но оние кои го проучуваат кралското семејство изјавија дека во прашање е лага и дека кралицата е во одлична состојба. Но без разлика на нивното предупредување, оваа информација со брзина на светлината се рашири по социјалните мрежи, а многумина поверуваа во трачевите, па дури имаше и такви кои се шегуваа на нејзина сметка.
Инаку, кралицата Елизабета Втора последен пат беше видена во јавноста за време на вчерашниот ден, кога на Твитер налогот на кралското семејство беше објавена фотографија на која таа е со лидерите на земјите членки на НАТО, на која се наоѓа и нашиот премиер, Зоран Заев.
На Твитер налогот на кралското семејство, во кој се објавени фотографии од пристигнувањето на делегациите во Бакингеманската палата се наведува дека НАТО Алијансата ја сочинуваат 29 држави со Северна Македонија, која е во процес да стане 30 земја-членка.
