Хајди Клум со изборот на овие необични обувки само ја потврди нивната популарност

И покрај преубавиот комбинезон што го носеше Хајди Клум деновиве во Њујорк, целото внимание го украдоа нејзините стапала.

Имено, познатата манекенка носеше женствен зелено-црн комбинезон со прерамки зачинет со преубав тропски дезен во комбинација со тренди чанта и очила за сонце, и двете во силна зелена нијанса, но нејзиниот преубав избор остана во сенка на неочекуваните обувки.

Имено, во прашање е тренд кој го најавија многу познати дизајнерски куќи, а досега ретко која дама го носеше. Станува збор за апостолки кои брендовите како Мајкл Корс и Изабел Марант ги рангираа како едни од најпопуларните обувки од летните колекции со што само ја најавија нивната слава, а познатата манекенка сега и го потврди тоа.

Во прашање е робустен модел со дебел ѓон и ременчиња, а ова лето во мода се и поедноставни, класични модели какви досега најверојатно сте носеле само на летување. Но како што предлагаат познатите дизајнери оваа сезона со нив слободно можете и на работа, секако ако тоа го дозволува кодексот на облекување на вашето работно место.