Четиригодишно девојче и нејзината 38-годишна мајка се пронајдени мртви во тетовското село Слатино.
Освен телата на мајката и ќерката, пронајдени биле и таткото, како и синот кои имале влошена здравствена состојба. Таткото бил во полусвесна состојба.
Неофицијално, истражните органи се сомневаат на труење.
Телма неофицијално дознава дека станува збор за семејство кое живеело во супстандардни услови, а сопругот и сопругата се лица со посебни потреби. Девојчето било на возраст од четири години.
„Денес околу 14.00 часот во СВР Тетово Т.Ј. од Теарце во својство на доктор, пријавил дека во село Слатино бил повикан за интервенција од М.З. од тетовско Слатино која ги нашла нејзината ќерка К.Ш.(36) и нејзината малолетна внука во нивната семејна куќа без знаци на живот, каде што од негова страна била констатирана смрт“, соопшти СВР Тетово.
Бабата кога дошла во нивната куќа 50-годишниот Р.Ш., сопруг на починатата, не бил дома, а телата на мајката и ќерката се без траги на насилство и биле легнати во различни кревети. Обдукцијата треба да покаже која е причината за смртта, пренесува Телма
Полицијата веднаш го обезбедила место каде што екипа при СВР Тетово во содејство со Јавен обвинител извршиле увид, а по наредба на обвинителот телото на починатите биле предадени за обдукција.
„Нејзиниот сопруг 50 -годишниот Р.Ш. заедно со неговиот малолетен син, се префрлени во Клиничка болница Тетово за укажување на лекарска помош, а потоа лицето Р.Ш. беше однесено во полициска станица за понатамошна постапка“, соопштуваат од СВР Тетово.
