Таткото на Адам Лабунски и се врати на старата љубов и тоа во време на коронавирусот – убави вести од фолк пејачот Ибро!

Нема некој од неговите фанови што не е позитивно изненаден од оваа негова одлука

Познатиот пејач на народна македонска музика Ибро Лабунски по долго време реши повторно да издаде албум

Тој во последно време сериозно работи на него, а насловот на првата нумера е „Ти се враќам песно“.

Така ќе биде насловен и албумот.

По ова ќе следи и една балада, која ќе биде насловена како „Страница нова“ и една латино песна „Сакав сонот да ми трае“.

https://www.facebook.com/ibro.labunski/videos/3350197641666376

Ибро е татко на младиот македонски пејач Адам Лабунски кој ја освои публиката со своето учество најпрво во „Пинк ѕвезди“, а потоа и во „Ѕвездите на Гранд“. Тие понекогаш знаат да настапат заедно, а видеата и на двајцата имаат милионски прегледи на социјалните мрежи.

Едно од најгледаните видеа на Ибро на Јутјуб е она на кое во песната свири и македонската легенда Ферид Мустафов.

Инаку, неговиот син Адам иако беше фаворит и во двете музички шоуа, не успеа да ја однесе победата.

Ибро цело време беше со него кога младиот пејач стигна до самото финале, но заради инцидент што се случи во хотелот во кој беше сместен, се скара со продукцијата и беше дисквалификуван од шоуто.

Проблемот најпрво настана откако Ибро и Ѓорѓе Давид имаа мало недоразбирање затоа што неговиот син реши во последен момент да ја смени песната која што претходно му ја одреди менторот да ја пее и со месеци наназад ја подготвувале. Ѓорѓе тогаш се налути, а Ибро застана во одбрана на синот, што е потполно разбирливо, но потоа, по инцидентот во хотелот, и Марија Шерифовиќ, која до тогаш беше неутрална, реши да застане на страната на Ѓорѓе и беше донесена одлука младиот Лабунски да го напушти шоуто.

Ибро тогаш долго време не се огласи и не сакаше да го коментира целиот настан, туку само неколку дена по инцидентот објави видео од настапот на Адам во „Пинк ѕвезди“ во 2018 година, со коментар.

„Адам Лабунски не престави во соседството се една прекрасна македонска песна до „Три ми пушки пукнаја“. Да ја послушаме“, гласи описот на видеото кое тогаш го објави Ибро, а кое можете да го видите во продолжение.