Поранешната министерка за одбрана, Славјанка Петровска јавно кажа дека е одлична во кујната. Таа ужива да прави најразлични јадења, но постои едно нешто што секогаш одбегнува да го зготви.
Славјанка во поткастот „Претрес“ кажа дека многу сака да готви и дека одлично се снаоѓа во кујната. Голем љубител е на храната, низ смеа зборуваше и за вишокот клилограми кои ги препишува на сметка на „тестото“ на кое не може да одолее.
– Многу добро правам сарма, секој што пробал сми го кажал тоа, но не ме бива за грав – рече Петровска.
Водителот ја праша што е толку тешко да се прави грав, само се вари, но таа рече дека има еден трик кој се вика – грав во конзерва.
– Полуготов грав, но тоа веќе би било мамење – рече таа.
Во интервјуто Славјанка открива многу за нејзиниот приватен живот. Зборува и за своето детство, за загубата на братот и родителите. За убавиот живот поминат во Ченто и Радишани.
Погледнете го целото интервју.
