Скопска свадба: Гостите си ги бараат пликоата назад, младоженецот во издание какво не сте виделе
Нивната љубов ја славеа и познати имиња од нашата естрада, а некои од нив решија и да се пошегуваат на сметка на младоженецот и невестата
Парот прво се венчаше во црква, а потоа следуваше луда и незаборавна прослава во еден луксузен ресторан за свадби.
Инфлуенсерот Кристијан Станковски, попознат како Бомбакис, и неговата поубава половина, Вики Дојчиновска, направија голема свадба на која беа присутни многу познати лица.
Тие добија голем број коверти од гостите, а стендап комичарот Бојан Велевски и водителот Марко Новески решија малку да се пошегуваат.
Имено, тие објавија фотографија со порака на картон на која пишува „Не е сé во парите“, а потоа познатиот комичар додаде:
„Пошо не е сé у парите, Бомбакис дај пликот назад“, му порачаа Бојан и Марко на младоженецот преку Инстаграм.
Оваа објава насмеа многумина на социјалните мрежи, а како беше на свадбата за која зборуваат сите, погледнете во продолжение.
Парот се венчаше вчера
Тие најпрво направија црковна венчавка, а потоа во еден луксузен скопски ресторан за свадби направија луда журка.
Свадбата беше многу весела, а пред гостите во еден момент запеа и познатиот македонски фолк пејач Спасен Силјаноски.
Бомбакис и неговата сакана со голема љубов ја организираа свеченоста, а гостите цела вечер одлично се забавуваа.
Невестата блескаше во венчаницата што ја носеше, но и младоженецот кој ги изненади сите со својот необичен костум.
Имено, тој на свадбената церемонија се појави во сив костум со интересен дезен, кој го носеше во комбинација со бели патики.
Како изгледаше првиот танц, но и дел од веселата атмосфера во која сите гости си поминаа одлично, погледнете во продолжение:
Свечената прослава беше организирана во еден познат ресторан за прослави, а за време на првиот танц новопечениот брачен пар на песна од Тоше Проески разменуваше нежности како да нема никој во близина.
Потоа следуваше фрлање на бидермаерот на убавата невеста и малку пооткачена атмосфера, а во еден момент и самиот младоженец се фати за микрофонот.
Повеќе детали од свадбата погледнете во продолжение:
Фото. Инстаграм/ Бомбакис
Фото. Инстаграм/ Бомбакис
Фото. Инстаграм/ Бомбакис
Фото. Инстаграм/ Бомбакис
Фото. Инстаграм/ Бомбакис
Фото. Инстаграм/ Бомбакис
Фото. Инстаграм/ Бомбакис
Фото. Инстаграм/ Бомбакис
Фото. Инстаграм/ Бомбакис
