СЕКОЈА ЧЕСТ: Малата Нина успеа да ги собере парите за лекување на својот татко- се огласи и нејзината мајка се обрати до сите хумани луѓе!

Девојчето кое го воодушеви регионот со идејата да продава крофни за да собере пари за операцијата на нејзиниот татко, успеа во својата цел.

Нина Нинковиќ од Нови Сад продава крофни за да собере пари за лекување на својот болен татко а вчера  на социјалните мрежи се појавија видеа на кои можеа да се видат бескрајни редици луѓе кои стојат во ред за крофни пред нејзиниот штанд.

Добра вест е тоа што парите за лекувањето на нејзиниот татко се собрани а тоа го објави мајката на Нина.

– Не се плашиме од патот таму, најдовме луѓе кои ќе ни помогнат. Собираме уште неколку документи и одиме таму да предадеме се и да видиме, па потоа ќе објавиме во која болница сме, а преку социјалните мрежи ќе објавиме и проценка колку чини и ќе контактираме со сите ако треба пари, а ако има премногу пари ќе ги поделиме на другите корисници на фондацијата, изјави за Телеграф мајката на Нина.

Девојчето продаваше крофни за да собере пари за операцијата на нејзиниот татко, а крофните ги печеле нејзината мајка и баба. Нина ги продаваше по цена од 100 динари (0,85 центи).

Да потсетиме, во 2016 година, таткото на Нина го изгубил видот поради одлепување на мрежницата. Во март повторно се појавила аблацијата и била дијагностицирана симпатична офталмија и панувеитис, а животот на Зоран бил загрозен, пишува Блиц.

“Отпрвин сакав да продавам крофни за џепарлак. Но се сетив дека можам да му помогнам на тато и да соберам пари што е можно поскоро за неговите лекови. Така почнав да продавам за него”, рече малото девојче кое продаде 500 крофни во едно попладне, колку што имаше на нејзиниот штанд.