Прво не сакаше ништо да коментира, па го изјави ова за новата снаа – СВЕКОРОТ на Цеца конечно откри што мисли за неа
„Неблагодарно е да се коментира“
Цеца Ражнатовиќ го запозна семејството на своето момче Богдан Срејовиќ на нивната куќна слава Свети Јован.
Таа ги посети во Крагуевац, каде живее неговиот татко и каде пејачката беше срдечно пречекана од домаќините.
Како поминала првата средба на свекорот со познатата пејачка пренесуваат српските медиуми според информации добиени од таткото на новото момче на Цеца.
Цеца остави одличен впечаток, како и што мислев. Богдан е многу задоволен од неа, откри Срејовиќ постариот.
Цеца на славата присуствуваше во најтесен круг на семејството кое ги почитуваше сите совети од епидемиолозите заради вирусот корона.
Поради тоа само неколку блиски луѓе знаеја дека Цеца ќе оди на нивната слава во Крагуевац, па затоа овој пат не беа поканети останатите членови од семејството, пријателите и познаниците кои сигурни би сакале лично да ја запознаат и да ја видат во живо најголемата балканска музичка ѕвезда.
„Немаше никаков спектакл, па никој и не ми се јави од семејството и познаниците да праша за Цеца. Сé беше пристојно, во кругот на семејството, како што и налага моменталната епидемиолошка ситуација“, вели Милош.
Да потсетиме, таткото на Богдан ја коментираше новата љубов на својот син и кога за нив се дозна во јавноста.
Тој тогаш изјави:
„Неблагодарно е да се коментира тоа. Тие се полнолетни, зрели луѓе, кои знаат да се грижат за себе. Колку што можев да забележам, среќни се и задоволни. Тоа е нивна приказна и јас не сакам да се мешам во тоа. Морам да изјавам дека Богдан го немам скоро слушнато и видено толку среќен и задоволен, па претпоставувам дека сé е во ред“, изјави тој пред неколку дена за белградските медиуми.
Инаку, Цеца и девет години помладиот Богдан во врска се два месеци и веќе некое време постојано се заедно.
Тие наводно се запознале на роденденот на една заедничка пријателка, па по неколку дружби запловиле во врска.
Фото: Инстаграм/ Богдан Срејовиќ
Фото: Инстаграм/ Богдан Срејовиќ
Фото: Инстаграм/ Богдан Срејовиќ
Фото: Инстаграм/ Богдан Срејовиќ
Фото: Инстаграм/ Богдан Срејовиќ
Фото: Инстаграм/ Богдан Срејовиќ
Фото: Инстаграм/ Богдан Срејовиќ
