Омилената фризура на војвотката од Кембриџ многу подобро и стои на царицата Јелена од Драчево – еве и како да ја направите

Јелена има нова фризура од која ќе се воодушевите

Откако се врати од породилното отсуство, нашата актерка Јелена Јованова навистина блеска, што можете да го видите и сами од нејзината последна фотографија.

Покрај тоа што за многу кратко време по породувањето ја врати својата занесна и згодна линија, таа го освежи и својот имиџ со нова фризура која им е омилена на многу ѕвезди. Најпознатите светски фризери советуваат дека токму ваквата фризура се најдобар избор доколку сте изморени од едноставната рамна коса и сакате да го промените изгледот.

Ваквата фризура и е омилена и на војвотката од Кембриџ, Кејт Мидлтон која отсекогаш негувала коса до под рамениците, а крупните локни се нејзин заштитен знак кои изгледаат кралски и совршено. Впрочем ваквите опуштени локни се омилен избор на сите дами со кралско потекло, но можеме слободно да кажеме дека и на Јелена од Драчево и стојат убаво, па можеби и многу подобро. И не затоа што е наше „девојче“, туку затоа што Јованова навистина блеска со неа.

Фризура за секоја пригода

За ваква фризура доволно е благо да ги свиткате прамените и да ставите малку лак за коса кој што ќе помогне подолго да го задржи својот облик. „Прво свиткајте ги широките прамени“, а потоа ставете лак за коса, советуваат фризерите, а мораме да признаеме дека не звучи баш тешко.

Но не треба да заборавите и да ја растресете косата и тогаш ќе го добиете овој опуштен, но во исто време и кралски изглед.

Ништо полесно, а изгледа феноменално, нели?

Во продолжение погледнете ги и „вистинските“ фризури на најпознатата дама од Драчево…