Е мој Балкане, Балкане – малолетни деца штитеници врзани за мебелот и радијаторите
Како да се животни, а не деца
Шокантни детали за тоа како се згрижени штитениците во еден Завод за згрижување ментално инвалидни деца во Босна.
На фотографиите што се појавија на социјалните мрежи се гледа како децата се врзани за мебелот и радијаторите. На некои од нив рацете им се врзани зад грбот, а повеќето од нив во ваква положба го минуваат поголемиот дел од денот и преку цела ноќ, па заради таквиот третман кај нив се забележани и физички повреди и влошена психичка состојба.
Фотографиите предизвикаа хаос меѓу политичарите во Босна и Херцеговина, и на прес-конференција се бара итно од одговорното министерство да ги спроведат следните заклучоци.
„Итно да биде стопирано ваквото однесување кон штитениците во заводот. Да се направи кодекс како да се постапува со нив. Да има редовно ненајавени инспекции и да се издвојат итно средства за привремено вработување на негуватели до изработка на ново решение.“
Побарано е и од Министерството за труд и социјална политика во соработка со Министерството за здравство да именуваат лекарски тим кој ќе направи ревизија на дијагнозите и да воведе редовно докторски прегледи.
